Програма за деца

Движењето е многу повеќе од трчање, скокање и трошење енергија.

Тренинзи по 20 минути, креирани од физиотерапевт и пилатес инструктор, со реквизити што веќе ги имате дома. За деца од 5 до 12 години.

Кога гледаме дете како трча, скока, се качува или игра, најчесто размислуваме за тоа колку е активно и колку енергија троши.

Но зад секое движење се крие многу повеќе.

Дури и едноставен скок бара усогласена работа на повеќе мускулни групи, добра рамнотежа и контрола на телото. За да се движи сигурно и прецизно, детето треба да развива координација, стабилност и свесност за положбата на сопственото тело. А за да совлада ново движење, потребни му се концентрација, повторување и време за постепено усовршување.

Овие способности не се развиваат одеднаш и со исто темпо кај сите деца. За нивниот развој е важно да имаат можност да искусуваат различни видови движења.

Токму затоа ја создадовме Move & Grow.

Програма со 16 различни тренинзи, во кои преку внимателно избрани вежби децата работат на развивање мускулна сила, стабилност, рамнотежа, координација и контрола на движењата.

Move & Grow не е замена за спортот или играта надвор, туку нивно дополнување.

Што добивате во програмата?

🎬 16 видео тренинзи од 20 минути

Разновидни тренинзи со вежби за сила, стабилност, баланс, координација и контрола на телото, креирани за деца од 5 до 12 години.

🏠 Вежбање во домашни услови

Тренинзите се приспособени за вежбање дома, со користење едноставни реквизити што веќе ги имате како мали топчиња, крпи, ролни од хартија, ситни играчки и други секојдневни предмети. На овој начин вежбањето станува интересно, разновидно и лесно достапно.

🎯 Вежби со конкретна цел

Секој тренинг вклучува внимателно избрани движења што развиваат различни моторички способности, со акцент на техниката и контролата.

❤️ Движење преку игра и предизвик

Вежбите се прикажани на начин што им е разбирлив и интересен на децата, без натпреварување, споредување и притисок за совршена изведба.

📚 Дополнителна едукација за родителите

Едукативни содржини за растот и развојот на децата, нивните нутритивни потреби, разновидноста во исхраната и градењето позитивен однос кон храната.

Што развиваме преку тренинзите?

💪 Сила и стабилност на јадрото

Преку насочени вежби ги зајакнуваме мускулите на јадрото и ја развиваме стабилноста и контролата на телото при движење.

⚖️ Рамнотежа и стабилност

Со разновидни статични и динамични вежби децата учат да одржуваат рамнотежа и подобро да го контролираат телото при промена на положбата.

🧠 Координација и моторичка контрола

Преку комбинирани движења децата учат да ја усогласуваат работата на различни мускулни групи и полесно да совладуваат нови моторички задачи.

🦶 Сила и контрола на стапалата

Со насочени вежби ги активираме мускулите на стапалата, ја подобруваме контролата на глуждовите и ја развиваме стабилноста на долните екстремитети.

🧍 Сила на грбот и контрола на држењето

Ги зајакнуваме мускулите на грбот, рамениот појас и трупот, со цел подобра контрола на држењето и стабилност при различни активности.

🤸 Подвижност и свесност за телото

Преку движења во различни насоки поттикнуваме подвижност, просторна ориентација и свесност за положбата и движењето на сопственото тело.

За кого е оваа програма?

Move & Grow е наменета за деца од 5 до 12 години кои:

• сакаат да вежбаат и да се движат преку интересни активности дома
• веќе тренираат некој спорт, но сакаат дополнително да работат на сила, баланс и координација
• имаат потреба од повеќе разновидни моторички предизвици
• сакаат да развиваат подобра стабилност, контрола и сигурност во движењето
• поминуваат подолг дел од денот во седечки активности и би им користеле дополнителни можности за движење
• сакаат да научат нови вештини и да ги истражат можностите на своето тело.

Кој стои зад Move & Grow

Драгана Младеновска, магистер по фармација, диететика и диетотерапија, сертифициран Balanced Body® Pilates инструктор со 13 години искуство.

Мартина Исаковска Стојановска, дипломиран физиотерапевт, сертифициран ERGON техничар, инструктор за техники на дишење (Breathwork Coach) и лимфен и фасција терапевт

Ги споивме знаењата од физиотерапијата со принципите на пилатесот, контролирано движење, стабилизација, координација, свесна активација на мускулите и постепено развивање на моторичките способности.

Знаеме дека на децата не им е доволно само да им покажеме вежба и да очекуваме да ја повторуваат. Потребни им се интересни задачи, предизвици, разновидност и чувство дека движењето е нешто во кое можат да уживаат.

Токму затоа Move & Grow е спој на стручен пристап и детска разиграност. Во тренинзите учествуваат и нашите деца, кои преку сопственото искуство покажуваат како вежбите можат да бидат истовремено интересни, предизвикувачки и забавни.

Од срце

Како инструктор и како мајка, верувам дека една од највредните работи што можеме да им ја дадеме на децата е можноста да растат со позитивен однос кон сопственото тело и движењето.

Не сакам вежбањето да го доживуваат како обврска, казна или нешто што мораат да го прават за да изгледаат на одреден начин.

Сакам да откријат колку многу може нивното тело, да уживаат во учењето нови вештини и со секој нов обид да стекнуваат повеќе сигурност.

Со таа идеја, заедно со Мартина, ја создадовме Move & Grow.

Затоа што навиката за движење се гради во детството, а придобивките од тоа траат цел живот. 🤍