Програма за Трудници

Здраво Драгана! Во текот на целата моја бременост (после 12-та недела) ги правев вашите вежби од програмата за трудници, во комбинација со некои дополнителни пилатес вежби. Цел мој живот и пред бременоста бев физички активна, а последните години активно вежбам пилатес во домашни услови. Покрај тоа што би сакала да ти се заблагодарам за одличната програма за трудници, пред сѐ би сакала да ти се заблагодарам за тоа што го сподели своето искуство со нас! Нема баш некоја поддршка на нашите простори за вежбање во тек на бременост, меѓутоа, откако го прочитав твоето искуство, немаше ден а да не тренирам во текот на сите 9 месеци. Се породив пред две недели со царски рез, а вежбав заклучно со последниот ден. Зголемив само 8 кг, а само три дена по операцијата изгубив 6 кг. После 12 дена од операцијата почнав со лесни истегнувања и чувствувам како полека се враќам во состојба да ја зголемувам својата физичка активност. Сакам да ти се заблагодарам уште еднаш за мотивацијата и охрабрувањето!

Тренинзите за трудници беа супер, ме држеа активна во текот на целата бременост! Породувањето ми беше позитивно искуство и сум сигурна дека голем удел имаше тоа што бев активна. На секој би ги препорачала онлајн тренинзите за трудници, зошто немав ден да имам мачнини/тегоби. По породувањето се вратив речиси на истата килажа со која влегов во бременоста. Ти посакувам голем успех со новиот проект.

Вежбав до самиот крај на бременоста. Се породив во 38-ма недела, а вежбав до 37-ма. Вежбањето до самиот крај ми даваше огромна енергија и ми помогна да немам никакви отоци. На пораѓај отидов со штикли :) Друга придобивка од вежбањето ми е што за време на целата бременост се поправив само 5 kg. После продувањето, иако се породив со царски рез можев веднаш следниот ден да се движам и за многу брзо време бев спремна за прошетки со бебушот.

Најголемата придобивка што ја почувствував од вежбањето беше продувањето, ДЕФИНИТИВНО! Слушав за мајки кои првата бременост поминале и по 48 саати на бокс, а ги слушав и како се мачеа да породат додека бев во родилна сала. Јас се породив за 10 минути на бокс, сосема природно и без никаква анестезија. Нема да лажам, имав болки претходните 48 часа кои ги поминав дома, темпирав контракции и броев секунди. Фала ти Драгана за сѐ!

Вежбањето пилатес ми даде огромен бенефит. Се чувствував лесно, немав потешкотии со движењето и обавувањето на сите домашни обврски. Во текот на бременоста воопшто немав отоци и за тоа бев пресреќна и сум и преблагодарна на Драгана за прекрасните вежби. Како главна придобивка ќе го издвојам и породувањето и пост-породилното закрепнување!

Со вежбањето во бременоста имав мнооогу придобивки. Бев полна со енергија, многу подвижна и многу позитивна. Отоци воопшто немав, иако последното тромесечје ми беше летно време. Стомакот до 5ти месец воопшто не ми се познаваше. За време на цела бременост качив само 10 кг. Вежбањето е нешто најубаво што една трудница може да го направи за себе и за своето бебе. Фала ти за преубавите совети и фала ти што постоиш Драгана ! 🥰🥰😘😘❤❤

Најдобрата работа за себе во бременоста што ја направив е што вежбав. Прелесен пораѓај имав мислам дека баш поради тоа, 6 прста отворена без никаква болка. Едно најпрекрасно искуство 🤍 Секоја трудница доколку има нормална бременост би требало да почне да вежба. Фала ти Драгана 🤍

До 9-тиот месец од бременоста ја вежбав онлајн програмата за трудници. Вежбите се внимателно избрани, разновидни и со добро адаптиран интензитет за на крајот од часот да се чувствувате извежбани и полни со енергија. Ми помогнаа многу и после пораѓајот зошто веднаш се вратив во форма.

Целата бременост ја поминав вежбајќи со Драгана и се чуствував одлично, а таа ми беше достапна секогаш за совет и насоки. Благодарна сум до небо бидејќи вежбањето ми помогна природно да се породам со големо бебе од 4600г. На секого ја препорачувам ❤️

Да се биде трудница во екот на пандемијата е тешко од повеќе гледишта. Едно од тие е седењето дома и влијанието врз психофизичкото здравје на таквата состојба. Со Драгана и Фитлајф вежбав секојдневно пилатес до половината од осмиот месец на бременоста. Позитивните тренинзи и прекрасните совети, како и здравите рецепти на Драгана го одржаа моето расположение на високо ниво, а вежбањето придонесе да имам комплетно здрава бременост, без отоци, без притисок, без појава на веќе претходно стекнат ишијас и дури со одржување на истиот мускулен тонус до самиот крај.

Хеј Драгана 😊 Само да ти кажам дека се породив пред три недели и стомакот ми се врати одма после 5 дена. Ги вежбав вежбите за трудници се до последен ден пред да се породам до 39-та недела и морам да ти кажам едно огромно благодарам бидејќи во текот на целата бременост се чувствував преубаво од вежбите, немав болки во грбот и кичмата и немав воопшто отоци. Едвај чекам да добијам зелено светло од доктор дека можам да вежбам и започнувам и со постпартум програмата.

Вежбам со тебе секое второ утро и денот ми е топ. Многу повеќе енергија имам, дури месеците што ми се спиеше многу, во деновите кога вежбав воопшто не чувствував поспаност. И многу ми е полесно на работа (чучни, стани, потегни, седи, таква ми е работата, но немам мака). Плодот се развива топ. Најкратко ПРЕЗАДОВОЛНА 🤍.

И тоа како е олесната бременоста, јас вежбав со тебе втората бременост, првата не смеев и премногу убаво се чувствував. Ептен сум ти благодарна што можев да искусам, и да ми биде убаво на душата, пред и после пораѓај психичка спремност 🤍🥰

Посебно сум благодарна за постпородилното брзо закрепнување и за бременоста која на секој му посакувам да ја има благодарение на тебе <3