Многу често постот се поврзува со еднолична храна и оброци во кои доминира тестото, но тоа воопшто не мора да биде така. Постојат многу разновидни и нутритивни намирници со кои можете да подготвите вкусни, посни и балансирани оброци.

Ова мени има за цел да ви даде идеи за оброци во кои нема да преовладуваат само јаглехидратите. Честа грешка во постењето е недостаток на протеини и квалитетни масти, што доведува до постојан глад и потреба за постојано грицкање. Со правилен избор и комбинација на намирници, постот може да биде и здрав и вкусен.