Тироидната жлезда е мала, но исклучително важна ендокрина жлезда, лоцирана во предниот дел на вратот, под ларинксот. Нејзината примарна функција е синтеза и секреција на тироидните хормони: тироксин (Т4) и тријодтиронин (Т3), кои играат клучна улога во регулацијата на метаболизмот, терморегулацијата, кардиоваскуларната функција, дигестивниот систем, когнитивните способности, репродуктивното здравје и бројни други физиолошки процеси.
Тироидните хормони имаат влијание речиси врз сите клетки во организмот, па секое нарушување во нивната синтеза или регулација може да има значителни системски последици.
Нарушувањата на тироидната жлезда се разновидни по својата етиологија, патофизиологија, клиничка слика и прогресија. Тие можат да вклучуваат автоимуни состојби, воспалителни процеси, нодуларни промени, функционални дисбаланси и слично.
Најчести форми на тироидни нарушувања:
🔹 Хашимотов тироидитис – најчестото автоимуно заболување на тироидната жлезда. Кај оваа состојба, имунолошкиот систем создава антитела кои ги напаѓаат тироидните клетки, што резултира со постепено оштетување на жлездата и развој на хипотироидизам.
🔹 Базедова болест (Graves disease) – состојба каде имунолошкиот систем создава антитела што погрешно ги „активираат“ TSH-рецепторите на тироидната жлезда, па таа продуцира повеќе хормони отколку што му треба на телото, затоа Базедовата болест води кон хипертироидизам, спротивно од Хашимотовиот тироидитис.
🔹 Субклинички хипотироидизам – состојба кај која TSH е покачен, додека вредностите на Т4 и Т3 остануваат во граници на референтните вредности. Состојбата со време може да прогредира или да се стави под контрола со правилен пристап.
🔹 Позитивни антитела со еутироидна функција – присуство на автоимуни антитела без нарушена хормонска рамнотежа. Ова може да претставува ризик-фактор за развој на хормонски дисбаланс во иднина и бара редовно следење.
Разбирањето на механизмите и видовите на тироидни нарушувања овозможува навремена дијагноза, индивидуализиран пристап во третманот и подобрување на квалитетот на живот кај пациентите.
Доколку сакате да слушнете повеќе зошто е толку важна тироидната жлезда погледнете го видеото подолу.
Знаците на нарушена функција на тироидната жлезда зависат од тоа дали се работи за хипотиреоза (недоволно активна жлезда) или хипертиреоза (прекумерно активна жлезда).
Симптоми на хипотиреоза (намалена функција):
Симптоми на хипертиреоза (зголемена функција):
Коментари