Овие витамини и минерали се особено важни за тироидното здравје:

• Селен – го поддржува ензимот кој го претвора T4 во активен T3. (доза: до 200 mcg дневно)
• Цинк – помага во конверзијата на T4 во T3 и го зајакнува имуниот систем. (доза: 15-30 mg дневно)
• Железо – само доколку имате анемија, важно е за синтеза на тироидни хормони, но со разновидна исхрана најчесто нема потреба од дополнителна супелемнтација. Ако се суплементира најдобро е да се зема со витамин Ц за подобра апсорпција).
• Магнезиум – го поддржува метаболизмот и ја намалува хроничниот замор. (Доза: 200-400 mg дневно)
• Витамин Д – често е низок кај лица со автоимуни болести, а е важен за имуниот систем. (Доза: 1000-2000 IU дневно во зимски месеци кога не сме изложени на сонце)
• Омега-3 масни киселини – ги намалуваат воспаленијата и поддржуваат здравјето на тироидната жлезда.
• Б-комплекс витамини – помагаат против заморот

Јодот е исто така многу важен за синтеза на тироидни хормони, но не треба да се зема на своја рака во големи количини, особено не кај Хашимото.

На што да внимавате и како да ги комбинирате суплементите за најдобри резултати?

Доколку сте на терапија, 4 часа после терапијата не земајте никакви додатоци и суплементи.

Витамин Д, омега-3 и селен земајте ги после ручек, затоа што подобро се апсорбираат во присуство на мастите од оброкот.

Навечер пред спиење земајте магнезиум, цинк и Б-комплекс, бидејќи Б-витамините помагаат во апсорпцијата на цинкот.

Цинкот и селенот можат да си попречат во апсорпцијата, па затоа е подобро да бидат разделени.

Во однос на суплементацијата, најдобро е да пиете во циклуси и да си правите паузи од одредени суплементи по неколку месеци.

Пример, во пролет и лето намалете ја суплементацијата со витамин Д. Исто така, суплементите со цинк е добро да се пијат во циклуси со паузи, а не постојано.

Од селен, омега-3, магнезиум и Б-комплекс нема да имате штета и кај долгорочна суплементација, но најдобро е да правите редовни контроли на крвта и во консултација со ендокринологот кој ве води да утврдите дали имате неопходност од постојана суплементација.

Малку подетално објаснување за ова, можете да погледнете на видеото во прилог.

Коментари