Еутирокс (левотироксин) е синтетички хормон кој го заменува Т4 (тироксин) кај луѓе со хипотироидизам. За да има најдобар ефект, важно е да се зема правилно:

• На празен желудник – наутро, барем 30-60 минути пред појадок, со чаша вода. Храната ја намалува апсорпцијата.
• Во исто време секој ден – за стабилни нивоа на хормони.
• Без други лекови и суплементи во исто време – оставете да поминат 4 часа пред да земате било какви суплементи.

Што НЕ треба да се зема заедно со Еутирокс?

Некои супстанции можат да ја намалат апсорпцијата на левотироксинот, па затоа е важно да се избегне нивно истовремено земање.

• Калциум и железо

❌ калциум (млеко, јогурт, додатоци со калциум)
❌ железо (додатоци, спанаќ, месо, цвекло)
📌 Почекајте барем 4 часа пред да ги земете овие суплементи доколку ги користите.

• Соја и соини продукти

❌ соја, тофу, соино млеко
📌 Можат да ја намалат апсорпцијата на хормонот ако се консумираат во големи количини. Избегнувајте ги во појадокот.

• Антациди (лекови против киселина во желудник)

❌ омепразол, пантопразол, магнезиумски антациди
📌 Може да го намалат ефектот на Еутирокс – доколку ви се неопходни да ги земете, почекајте барем 4 часа пред да ги земете.

• Кафе и чај

❌ кафе, црн/зелен чај (намалуваат апсорпција)
📌 Почекајте барем 30-60 минути по земање на таблетата.

• Храна со многу влакна - влакната се многу важни за здравјето, но внимавајте да не претерате со нив во појадокот за да не му попречат во апсорпција на левотироксинот.

Некои важни напомени:

Ако заборавите доза, земете ја штом ќе се сетите, но не ја дуплирајте.

Алкохолот може да влијае на функцијата на тироидната жлезда, па затоа бидете внимателни со него.

Правете редовни контроли на секои 6-12 месеци за да ја следите ефикасноста на терапијата.

Ако имате симптоми како замор, срцебиење или несоница, консултирај се со лекар за адаптација на дозата.

Подетално објаснување за ова можете да видите на видеото во прилог.

Коментари